RUTA BTT DA FERREIRÚA

RUTA BTT DA FERREIRÚA

(opción Sendeirismo)

Ruta que parte do pobo da Ferreirúa en dirección á Mioteira e a área recreativa das veigas, logo deste cruce cóllese camiño cara Monteagudo e nos pastizais deste pobo vaise en dirección ó foxo dos lobos ata chegar o pobo da Veneira, onde se poden observar as minas abandonadas de Ferro, a partir de aquí descéndese ata o río e logo a carón del chégase o muiño da pomba e volvemos ascender ata chegar á Mioteira e dende aquí volvemos descender ata o inicio da ruta na Ferreirúa.

Hai posibilidade de facer conexións para aumentar ou diminuir a ruta e conectar o Concello da Póboa de Brollón co do Incio, de feito parte da ruta pertence a este último concello.

Distancia: 22 km +/-

Duración: (andando) 5h +/-

Altura máxjma: 1133mts

Altura mínima: 496mts

Dificultade: Media-Alta.

Observacións: Na data feita (7-12-18) hai cruces que non se atopan ben sinalados, polo que se recomenda preparar previamente a ruta para non perderse.

Deixo fotos da Ruta...

https://www.relive.cc/view/rt10002626541

Muiño da pomba

Pastizais de Monteagudo

Panorámica da ruta co Calderillas ó fondo

Panorámica do Incio

Panorámica dende a subida das Veigas

Ponte sobre o río Forgas

Sequeiro da Veneira

Vistas dende a Veneira

Sendeiro baixando da Veneira

Veneira de Roques

Ruinas do muiño da Pomba

Ruta Marcón-Calderillas-Foxo dos lobos- Mioteira-Marcon

RUTA: MARCÓN-CALDERILLAS-PASTIZAIS MONTEAGUDO-MIOTEIRA-CRUCE FERREIROS-ÁREA RECREATIVA AS VEIGAS-MARCÓN.

Ruta de dificultade media e con panorámicas interesantes. 

 

Distancia: 17 km          Duración: 3 h 20'+/-.

 

Puntos de interese: Adegas antigas da Ferreirúa, Muiños da corredoira, As covas, Calderillas, Pastizais de Monteagudo, Area recreativa de San Pedro, Foxo dos Lobos, Mioteira, Área Recreativa das Veigas.

 

Concellos: A Pobra do Brollón, O Incio.

Descripción da ruta:

A Ruta iníciase na Casa Grande de Marcón dirección á área recreativa, para na  metade da primeira subida dirixirse para a esquerda e posteriormente para a dereita ata a casa do Calderillas (3km +/- 40´) Seguimos de fronte ata deixar á dereita a area recreativa e o rematar os pastizais de Monteagudo  collemos unha carretera asfaltada para a dereita  que nos pode levar ata Monteagudo (7.65km 1h 24´), Deixaremos a esquerda o indicador do Foxo dos lobos. Logo de 1.5 km +/- desviámonos á dereita seguindo a ruta de BTT  da Ferreirúa, ata chegar ó cruce de Ferreiros (9km +/-...), dende aquí colleremos dirección área recreativa (13km +/-, 2h 16) e xa voltaremos para o punto de saída na Casa grande de Marcón, na Ferreirúa (14.98km +/-...2h 34´).

 

 

Déixovos un vídeo da ruta.

 

Ruta Cortafogos Oeste da Mioteira

Ruta de 10 km e 2 horas aproximadamente, que sae de Marcón, vai cara a área recreativa das veigas e unha vez pasada esta, cóllese o cortafogos oeste da Mioteira e chégase ó cumio para posteriormente comezar a baixada polo cortafogos norte, ata chegar á pista que bordea a Mioteira polo este ata coller a carretera que vai a Monteagudo, dende ahí comezamos a baixar ata chegar de novo a Marcón.

Dificultade alta, polo tramo do cortafogos, pero que merece a pena realizar se se está en forma.

Pódense realizar distintas variantes.

Espectaculares as panorámicas que se poden percibir ó longo de todo o percorrido,sobor de todo durante o traxecto do cortafogos e unha vez que se acada o cumio da Mioteira.

Agora deixo unhas fotos das vistas que hai ascendendo ata o cumio da Mioteira...

Ruta de Sendeirismo:Marcón-As Veigas-Calderillas-Marcón

Esta é unha ruta de sendeirismo polo entorno da Ferreirúa no Concello da Pobra do Brollón, Lugo.

Son 8.5 km aproximadamente (1h e 30 minutos) dunha dificultade media-baixa e non se atopa sinalizada, discorre toda por pistas de terra aptas para BTT e/ou todoterreos.

Comeza a ruta a altura da Casa grande da Ferreirúa, xuntamente co inicio da ruta de BTT daFerreirúa, na dirección da pista que leva ata a Mioteira.

Ó chegar á altura da Área recreativa das Veigas collemos un desvío a man esquerda, segue a coincidir coa sinalización da ruta de BTT, e comezamos a subir, a 300mts aproximadamente atopamos un desvío a man esquerda, o cal vamos a seguir e aquí xa deixamos de seguir a sinalización da ruta da BTT.

Seguimos subindo unha pendente pronunciada ata coroar e atoparnos cun cortafogos, a partir de aquí seguiremos de fronte  descendendo lixeiramente ata atoparnos a pista que leva para o Calderillas, a cal colleremos para a dereita, cando divisemos a casa ó  lonxe collemos a pista a esquerda que descende ata a fonte de auga-que non funciona- situada na pista que vai dende a Ferreirúa ata San Pedro do Incio.

A partir de aquí temos unha lixeira subida e logo xa descendemos ata chegar o punto de inicio na Casa Grande da Ferreirúa.

Esta ruta pode ampliarse con outras variantes, como son a de ir ata o burato das choias, subir a Mioteira, Chegar a pena dos catro cabaleiros,