Salcedo- As Laceiras-Pena do Castelo-Salcedo.

 

Ruta de ida e volta de 6km. Pertence ó Concello da Pobra do Brollón. Provincia de Lugo. aproximadamente e unha duración de 1h e 20 minutos. Dificultade media-baixa. 

Puntos de interese: Salcedo, As laceiras, Pena do Castelo.

Pode complementarse coa ruta do Rio Lor.

Vídeo da ruta.

https://www.relive.cc/es/view/v1vjYMZQ3Yq

O Pereiro-Ferreria Loureiro-Devesa do Loureiro-Sequeiros do Mazo-O Pereiro

Esta ruta é unha variante da ruta de sendeirismo da devesa e Ferrería do río Loureiro, en Salcedo, no concello da Pobra do Brollón (Lugo).

So se atopa sinalizada ata o mazo, ó resto da circular non se atopa sinalizada.

Deixo un vídeo da ruta (2-5-21)

A dificultade e media-baixa, e na maior parte do seu recorrido-sobor de todo o tramo dende o mazo ata o pereiro- non se atopa sinalizado.

Faise de xeito circular sobre 16 km aproximadamente e cunha duración entorno ás 4h 30 minutos.

Nos comezamos pasando o barrio do Pereiro na parroquia de Salcedo na carretera que une a Pobra do Brollón con Folgoso do caurel.

Unha vez superado o citado barrio do Pereiro a uns 200mts a man dereita hai unha pista de terra pola cal comezaremos a descender ata atoparnos coa ferrería do loureiro e logo de cruzar o río loureiro empezamos a subir por unha pista seguindo as indicacións que nos levan a devesa, posteriormente, esta pista de terra convértese en sendeiro e pódese disfrutar dunhas magníficas panorámicas sobre o canón do citado río. Ó final deste sendeiro atoparémonos cos soutos e sequeiros do mazo.

Ó final deste sendeiro atopámonos coa pista asfaltada (Pobra-Caurel) e collemos para a esquerda dirección a Pobra. Comezamos a subir e a 500mts aproximadamente collemos a man esquerda unha pista de terra que nos vai levar, pola outra marxe do río Loureiro, ata perto do punto de partida.

Ruta de Salcedo a Froxán

A Ruta é un tramo da ruta do río Lor (50km+/-) que vai dende o Cebreiro ata a desembocadura do río lor no  Río Sil en Augasmestas, xa no concello de Quiroga.

Está ruta dende Salcedo ata Froxán, ten 12.5km aproximadamente de distancia e discorre a carón do río lor, pasando por zonas de sequeiros de castañas tanto nas proximidades de Froxán, no Concello de Folgoso do Caurel, como en paramedela xa en Salcedo no Concello da Póboa do Brollón.
Pode facerse en 3h e 30 minutos aproximadamente.
A dificultade e media, pois a maior parte do percorrido faise por un sendeiro  subindo e baixando con respecto o nivel do río Lor.

Tamén é posible facer a ruta de ida e volta, ben saíndo dende Salcedo ou dende Froxán.

RUTA DAS CASTAÑAS E DO MEL. SALCEDO, POBRA DO BROLLON. LUGO

Ruta circular de dificultade media-baixa polas proximidades de Salcedo.

Boa ruta para facer en calquera época do ano, pero recomendable especialmente no outono e na primavera.

Sáese do pobo de Salcedo e logo de contemplar as paisaxes sobre o canón do río Lor chégase ata o souto de paramedela  donde podemos disfrutar dun sequeiro rehabilitado.

Xa de volta podemos observar o río Loureiro e as numerosas albarizas que se sitúan a carón do sendeiro.

A duración pode estar en torno as 3 horas sendo a maior dificultade a superación do desnivel dende o río Loureiro ata o pobo de Salcedo que está perto dos 300mts.

Pode ter algún inconvinte a sinalización, pois hai zonas nas que os sinais non se ven...!!!

En xeral, ruta moi recomendable!!!


Deixo información nas fotos dos paneis que están ó inicio da ruta no local social de Salcedo-Pobra do Brollón e tamén algunha foto sobre as paisaxes do outono do 2014.