Ruta San Vitoiro -Minas de Veneira de Roques. A pobra do brollón.

 Ruta lineal dende a  Capela de San vitoiro ata as minas da Veneira de Roques. Pasas polo pobo de cobadelas.

Pertence o concello da póboa do brollón na provincia de Lugo.

PRG 242.

Son  6.2 km de 2 horas 20 minutos aproximadamente de duración na ida. 

Se a fas de ida e volta pode levarche algo menos das catro horas.

Dificultade media. Ten algún tramo de subida pronunciada.

Deixo un vídeo.

Ten algunha casa de aluguer tanto en cobadelas coma na veneira.

Ruta Forgas- A Veneira_ Forgas. Circular.

 

Ruta de 10 km aproximadamente. Circular.

Esta variante non se atopa sinalizada e hai zonas en mal estado, nas cales hai que ir pegados ó rio Forgas.

Hai que atopar unha mellor opción a partir de Forgas de arriba, para poder conectar co camiño que forma parte do ruta de BTT da Ferreirúa.

Ten moi boas posibilidades.

Deixo un vídeo.

Ruta Forgas_Veneira

 Ruta entre as localidades de Forgas e Veneira de Roques no concello da Póboa do Brollón.

Ruta variante I

 

RUTA BTT DA FERREIRÚA

RUTA BTT DA FERREIRÚA

(opción Sendeirismo)

Ruta que parte do pobo da Ferreirúa en dirección á Mioteira e a área recreativa das veigas, logo deste cruce cóllese camiño cara Monteagudo e nos pastizais deste pobo vaise en dirección ó foxo dos lobos ata chegar o pobo da Veneira, onde se poden observar as minas abandonadas de Ferro, a partir de aquí descéndese ata o río e logo a carón del chégase o muiño da pomba e volvemos ascender ata chegar á Mioteira e dende aquí volvemos descender ata o inicio da ruta na Ferreirúa.

Hai posibilidade de facer conexións para aumentar ou diminuir a ruta e conectar o Concello da Póboa de Brollón co do Incio, de feito parte da ruta pertence a este último concello.

Distancia: 22 km +/-

Duración: (andando) 5h +/-

Altura máxjma: 1133mts

Altura mínima: 496mts

Dificultade: Media-Alta.

Observacións: Na data feita (7-12-18) hai cruces que non se atopan ben sinalados, polo que se recomenda preparar previamente a ruta para non perderse.

Deixo fotos da Ruta...

https://www.relive.cc/view/rt10002626541

Muiño da pomba

Pastizais de Monteagudo

Panorámica da ruta co Calderillas ó fondo

Panorámica do Incio

Panorámica dende a subida das Veigas

Ponte sobre o río Forgas

Sequeiro da Veneira

Vistas dende a Veneira

Sendeiro baixando da Veneira

Veneira de Roques

Ruinas do muiño da Pomba

Pena dos Catro Cabaleiros entrando pola Veneira de Roques

RUTA:   VENEIRA-ALTO DO CASTRO-CATRO CABALEIROS-BUSTO-VENEIRA

Interesante ruta no Concello da Pobra do Brollón, con distintas posibilidades de realización.

DISTANCIA:14.5KM

DURACIÓN:2.5-3h

DESCRIPCIÓN: Saída da parte de enriba do pobo da  Veneira, seguir a pista que pasa por diante da canteira de pedra e do tanque de auga contra os lumes, ata chegar o cruce no que se pode ir para ó Incio (seguindo de fronte) para Monteagudo (para a esquerda) e para a pena dos Catro Cabaleiros-Parada Dos Montes (para a dereita). Seguiremos a pista da dereita e posteriormente desviarémonos para a esquerda en lixeira ascensión para o alto do castro. Unha vez no alto do castro comezaremos a descender lixeiramente pola pista de terra ata chegar a un desvío para a dereita o cal nos levará ata a pena dos catro cabaleiros. Unha vez na pena dos catro cabaleiros seguiremos polo cortalumes da dereita ata chegar a pista que une a Veneira con Parada dos Montes. Unha vez na pista colleremos para a dereita o que nos vai permitir pasar por enriba do pobo rehabilitado do Busto e regresar ó punto de inicio da Rota na Veneira.