Ruta pola ferreirúa o 2-12-2011

O próximo domingo 2-12-2011 iniciaremos o ano cunha ruta pola Ferreirúa, empregaremos a mañá desperezándonos polo entorno próximo da Mioteira, Vineira, etc...

Seguiremos en contacto.

Sendeirismo no parque natural da serra da lastra

O próximo 21 de Novembro iremos facer unha ruta de sendeirismo polo parque natural da serra da lastra, na provincia de ourense, cabe a posibilidade de xantar nunha casa de turismo rural ó rematar a ruta, polo que será necesario concretar os que nos animemos...

Seguiremos en contacto!!!

A ruta de Setembro (26-9-2010)

O domingo pola mañá saímos a facer a ruta das penas de San Vitoiro, escomenzou coa presenza da benemérita para controlar o noso inicio e como non todo podía ser bo escomenzamos cunha "pequena" subida que a algun/a d@s participantes case fai arrepentir de ter escomenzado a andaina...pero todo se acaba, incluso o que non é tan bo e logo apareceu a parte amable do percorrido que fixo que tod@s nos marcháramos coa sensación e as gañas de facer máis...!!!

Xa estamos a preparar a seguinte que probablemente non tarde máis de 15 dias en facerse a cal se acompañará dunha cea!!!

Aqui quedan as fotos da ruta.

Ata a próxima!.

PRÓXIMA RUTA ...DOMINGO 26-9-2010

O domingo faremos sendeirismo polo entorno do San Vitoiro, se te animas saíremos da Ferreirúa as 10.30h.

A duración da ruta será de 2h aproximadamente...a dificultade media baixa...e a panorámica...IMPRESIONANTE!!!

Esperámoste.

RUTA DE SENDEIRISMO NOCTURNA DA FERREIRÚA

O venres 20 de agosto do 2010 fixemos a cuarta ruta nocturna da Ferreirúa, escomenzamos a andaina as 23.50 horas do venres e rematamos as 3.30 horas do sábado.

Os 28 participantes fixemos un primeiro traxecto superando un desnivel de 400mts ata acadar o cumio da Mioteira (supera os 800mts de altitude) para poder disfrutar das vistas nocturnas que se podían observar grazas á noite tan clara que nos acompañou.

O ascenso levounos 2 horas e apenas 2 persoas tiveron que axudarse nalgún tramo do coche escoba, no descenso so empregamos 1hora e 30 minutos, e tod@s iamos con máis ledicia na busca do que nos esperaba no local social da ferreirúa. O xamón e o chocolate con churros que nos estaban agardando como recompensa o esforzo puxo final as 4 horas e 30 minutos do sábado desta nova edición da ruta nocturna. Agardámoste na próxima!!!

SENDEIRISMO NOCTURNO

O PRÓXIMO 20 DE AGOSTO DO 2010 AS 23.50 HORAS INICIAREMOS A ROTA DE SENDEIRISMO NOCTURNA DESTE ANO.

A HORA DE FINALIZACIÓN SERÁ SOBRE AS 4 HORAS DA MAÑÁ DO DÍA 21 (SÁBADO).

O PERCORRIDO SERÁ POLO ENTORNO DA FERREIRÚA; SAIRASE DE VALLOULÍ ATA O PICO DA MIOTEIRA PARA VOLTAR A VALLOULÍ.

AQUELES QUE ESTEADES INTERESADOS EN FACELA SERÍA CONVINTE QUE VOS APUNTÁRADES.

TODO ESTO SE AS CONDICIÓNS METEOROLÓXICAS NOLO PERMITEN.

SEGUIREMOS INFORMANDO.

Ruta por San Estevo...

A pesar da amenaza de tormenta que se nos presentaba...fomos suficientemente intrépidos e arriscámonos a escomenzar a marcha e a verdade e que mereceu a pena, pois a choiva respetounos... e pasamos unha tarde agradable, tedes unha pequena escolma de fotos para que vos fagades unha idea...seguimos en contacto e preparados para a nocturna do mes de agosto(20-8-2010)...

RUTA POR SAN ESTEVO O SÁBADO POLA TARDE!!!

O sábado 26-6-2010 iremos de ruta polo entorno do sil e o cabe a coñecer o mosteiro de san estevo de ribas de sil...escomenzaremos a andaina as 18h e contamos ter rematado sobre as 20.30h.

Seguiremos informando.

Máis fotos sobre a ruta por Marce e a Míllara.

Para que disfrutedes das paisaxes aqueles/as que non puidestes acompañarnos...

Ruta por Marce e a Millara

Por fin fixemos a ruta da Millara, logo de telo intentando no mes de novembro, hoxe acadamos o obxectivo que nos marcáramos hai meses.

O día escomenzámolo, non moi cedo, facendo a baixada a cascada de Augascaídas na parroquia de Marce situada no concello de Pantón, a vista tan espectacular compesou o esforzo que realizamos para baixar e posteriormente subir o desnivel que hai ata o río, e para facerlle gañas ó xantar achegámonos a contemplar as fermosas vistas que hai no castro de Marce.

Unha vez rematado esta primeira etapa e logo de despedirnos dun dos doce expedicionarios marchámonos a xantar o bocata a zona da Maiorga.

Cando rematamos o café sen deixar tempo a durmir a sesta dirixímonos ata a Míllara en donde tras un fermoso paseo a carón do Miño visitamos esta aldea que se está a rehabilitar na cal disfrutamos dunhas fermosas vistas antes de escomenzar o camiño de volta.

E para acabar o día os máis “osados” adicámonos a relaxarnos no Balneario de Augassantas...

Véremonos na seguinte...

O domingo, ruta polo entorno do Miño...

O vindeiro domingo iremos facer sendeirismo polas terras de Pantón, primeiramente achegarémonos a cascada de Augacaida en Marce, posteriormente comeremos o bocadillo en A maiorga e logo voltaremos a camiñar pola Míllara, os que sexan máis ousados irán a relaxarse ó circuito acuático de augassantas...

Seguimos informando...

Ribeira de Vilachá

O domingo cumplimos coa ruta que no seu día aprazamos por mor do mal tempo... e adentrámonos a coñecer unha das ribeiras de vilachá a cal pertence o concello da Póboa do brollón.

Iniciamos a ruta cunha temperatura agradable e según nos fomos achegando ó río Sil o sol foi aparecendo dun xeito máis evidente, sobor de todo cando tocaba a súbida o punto de partida...A vista que tivemos do río case sen auga e algo que se dará nestes meses pero que tardará en voltar a verse, polo que o esforzo mereceu a pena.

No último tramo da ruta achegámonos ó mirador da capela dende onde contemplamos unha fermosa panorámica sobre esta parte do canón tan fermosa...para aqueles que aínda non a coñezades e algo que merece a pena.

A pesar do esforzo feito xa andamos a preparar a nova saída...Seguiremos informando!!!

Saída hacia Vilachá...

O domingo 25-4-2010 faremos a ruta que no seu día aprazamos por mor das condicións metereolóxicas adversas...

Saíremos da Póboa sobre as 10 da mañá para escomenzar a andar entorno as 10.30h, voltaremos para xantar na casa!!!.

Seguimos en contacto.

Devesa da Rogueira, Abril 2010

O pasado Venres Santo (2-2-2010) fixemos un tramo da Devesa da Rogueira, pois as condicións non nos permitiron poder acadar o plan proposto, que era realizala dende a aula da natureza-sita no pobo de Moreda-.

Como veredes nas fotos que vos presentamos máis abaixo tivemos que andar pisando a neve que cubría o sendeiro para poder adentrarnos na devesa e a pesar de que os ánimos eran vos e a ilusión tamén nos acompañaba para poder ascender ata o cumio de formigueiros decidimos deixar o que faltaba para cando as condicións fosen mellores.

Para rematar a andaina decidimos xantar no pobo de Seoane para repoñer as enerxías gastadas nesta ruta...

Agardamosvos para a próxima ruta...

VENRES SANTO, SENDEIRISMO POLO CAUREL

O dia 2 de abril do 2010 iremos facela ruta da Devesa da Rogueira o Concello de Folgoso do Caurel.

Empregaremos todo o día e o rematar cearemos nalgún restaurante da zona, polo que é recomendable que os que esteades interesados o confirmedes a principios da semana que ben.

Estamos en contacto...

Suspéndese a ruta...

Debido as adversas condicións metereolóxicas suspéndese a ruta prevista para hoxe domingo.

A próxima posiblemente sexa durante as vacacións de semana santa e o destino previsto será-senon hai cambios de última hora- a devesa da rogueira, no centro mesmo da serra do cuarel...polo que se recomenda adestrar un pouco máis do habitual debido as características orográficas do sendeiro...

Seguiremos informando!!!

Ruta de Febreiro

O Domingo 21-2-2010 faremos a ruta que vai dende Vilacha ó rio Sil, pasando pola ribeira de Vilachá (ribeira de lagares) e voltaremos o punto de partida.

A hora de saída será entorno as 11h do pobo de vilachá e a duración aproximada será de 3h.

Camiño Sur a Santiago: Póboa do Brollón-Monforte de Lemos

O Pasado domingo (24-1-2010) iniciamos as andainas do 2010 cunha peregrinaxe neste novo ano santo por un tramo do camiño sur que vai dende a Póboa do Brollón ata Monforte de Lemos.

Os 26 participantes iniciaron esta nova xeira de rotas con ánimos renovados e con forza suficiente para acabar as case tres horas de camiñar sen apenas mostras de cansancio, para que vos fagades unha idea, quedades cunha escolma de fotos.

Próxima ruta: Camiño de Santiago

O vindeiro 24-1-2010 faremos o tramo do Camiño de Santiago que vai dende a Póboa do Brollón ata Monforte de Lemos.

A duración será aproximadamente de 2 horas.

Seguiremos informando.