VENRES SANTO, SENDEIRISMO POLO CAUREL

O dia 2 de abril do 2010 iremos facela ruta da Devesa da Rogueira o Concello de Folgoso do Caurel.

Empregaremos todo o día e o rematar cearemos nalgún restaurante da zona, polo que é recomendable que os que esteades interesados o confirmedes a principios da semana que ben.

Estamos en contacto...

Suspéndese a ruta...

Debido as adversas condicións metereolóxicas suspéndese a ruta prevista para hoxe domingo.

A próxima posiblemente sexa durante as vacacións de semana santa e o destino previsto será-senon hai cambios de última hora- a devesa da rogueira, no centro mesmo da serra do cuarel...polo que se recomenda adestrar un pouco máis do habitual debido as características orográficas do sendeiro...

Seguiremos informando!!!

Ruta de Febreiro

O Domingo 21-2-2010 faremos a ruta que vai dende Vilacha ó rio Sil, pasando pola ribeira de Vilachá (ribeira de lagares) e voltaremos o punto de partida.

A hora de saída será entorno as 11h do pobo de vilachá e a duración aproximada será de 3h.

Camiño Sur a Santiago: Póboa do Brollón-Monforte de Lemos

O Pasado domingo (24-1-2010) iniciamos as andainas do 2010 cunha peregrinaxe neste novo ano santo por un tramo do camiño sur que vai dende a Póboa do Brollón ata Monforte de Lemos.

Os 26 participantes iniciaron esta nova xeira de rotas con ánimos renovados e con forza suficiente para acabar as case tres horas de camiñar sen apenas mostras de cansancio, para que vos fagades unha idea, quedades cunha escolma de fotos.

Próxima ruta: Camiño de Santiago

O vindeiro 24-1-2010 faremos o tramo do Camiño de Santiago que vai dende a Póboa do Brollón ata Monforte de Lemos.

A duración será aproximadamente de 2 horas.

Seguiremos informando.

Cea de Nadal do grupo de sendeirismo da Ferreirúa

Logo de facer a ruta de sendeirismo pola mañá fómonos cear a casa Comerciante de Vilamor (Folgoso do Caurel), como se pode observar nas fotos que veredes máis abaixo todo resultou "moito bo..." a pesar de que a climatoloxía non nos acompañou...


Agradecer o trato recibido no restaurante e o esforzo que fixeron os/as comensais que o dia seguinte tiñan que traballar, o cal non lles impediu acompañarnos!!!

¡¡¡BO REMATE DE 2009 E MELLOR 2010 PARA TODAS/OS!!!

Fotos da ruta: Ferreirúa-Burato das Choias-Ferreirúa- Nadal 2009

Un adianto, en fotos, da ruta feita o domingo 27-12-2009, seguiremos informando...