Fotos sendeirismo nocturno 2009

21-8-2009: Ruta nocturna na Ferreirúa

O pasado venres 21-8-09 máis de trinta persoas de tódalas idades iniciamos a nosa particular aventura nocturna polo entorno da ferreirúa. Sobre as 23.50h citámonos no souto para comezar a nosa ruta sobre as 24.00h, o tramo ata ferreiros fíxose con total normalidade coa axuda do alumeado público, a partir de aqui xa nos adentramos na oscuridade e nas pistas de terra que nos levaban dirección Forgas, a poucos metros collemos un desvío (o tramo máis complexo de toda a ruta) que nos levaría ó monte de Ferreiros para dirixirnos a Mioteira e pasar pola área recreativa das Veigas e rematar a nosa andaina no local social da Ferreirúa sobre as 3.40h do dia 22, que foi cando chegamos o pelotón de cola e os que empregaron o coche escoba que conducía o Manolito. Logo do esforzo físico repuxemos forzas coa axuda do xamón e o queixo ata ben entrada a noite...

Para que vos lembredes aqui tedes algunhas fotos...

Ruta de sendeirismo nocturna

O venres 21-8-2009 faremos a terceira ruta de sendeirismo nocturna polo entorno da Ferreirúa.

A saída será as 23.50h do campo da festa da ferreirúa e a hora de finalización será aproximadamente sobre as 3h da mañá do día 22.

Ó rematar a andaina celebrarémolo coa degustación dun xamón do pais.

Se estás animado, so tes que vir preparado para facer o tramo a pe.





ESPERÁMOSTE!!!

Sendeirismo pola Serra da Penas (Bóveda)

Ruta da serra das Penas: 16km
Duración: 4.5 horas
Dificultade: Media

Ruta o 31-5-2009

O próximo domingo as 10.15 horas saíremos para realizar a ruta da serra das penas no concello de Bóveda.
Saíremos da Ferreirúa ás 9.50h e pasaremos pola póboa ás 10h.

Vémonos o domingo.

Fotos ruta do venres santo polo san vitoiro

Sendeirismo máis cea...

O próximo venres santo realizaremos pola mañá unha ruta de sendeirismo e pola noite iremos de cea...

Os interesados, nunha ou ambas actividades, avisade para reservar no restaurante.

Seguiremos informando...